“Asturies na llucha por una sanidá pública de calidá” resumía la pancarta qu’abría’l manifestamientu d’ayeri pola sanidá pública asturiana al qu’acudieron alrodiu de cincu mil persones a reclamar responsabilidaes a Adrián Barbón pol precariu estáu del sistema sanitariu asturianu, desixendo de pasu la dimisión del Conseyeru
El maltar de los trabayaores del Serviciu de Salú del Principado (Sespa) poles sos condiciones llaborales xúnense a les quexes de desatención sanitaria por parte de los ciudadanos, que ven comu díi ente díi la Sanidá Pública pasa a ser un serviciu residual. El descontentu cola forma de xestionar la salú pública asturiana ye xeneral y d’ello dexaron costancia les miles de persones qu’aconceyaron ayeri delantre la estación de RENFE d’Uviéu pa percorrer les cais de la ciudá nun manifestamientu de cerca dos hores que los llevó al edificiu cientral del Sespa, onde la plataforma de trabayaores convocante lleó el so comunicáu, nel que reclamaron condiciones llaborales dignes y una sanidá pública de calidá, denunciando la progresiva privatización de la sanidá asturiana.
GALERÍA DE SEMEYES
This work is licensed under a Creative Commons Attribution 4.0 International License.
