Alborecemos col cielu cubiertu y dalguna gotera con unes temperatures que tan alrodiu de los 11ºC, rexistrándose nel puirtu Payares 5,9ºC.
Güei va dir disminuyendo la nubosidá rápidamente pa dexanos el cielu poco nuboso o escampláu a partir del mediudía, asina y too l’aire gallegu pue soplar molestu en zones altes ya en puntos del llitoral baxando la sensación térmica, amás les temperatures a pesar de la llume del sol van descender.
Mañana sábadu va dir aumentando la nubosidá pa dexanos el día nuble, amás apartir de la tarde entamará de nuevu a soplar el vientu gallegu que’n zones altes ya en puntos del llitoral pue algamar raches fuertes a últimes hores cuando hai posibilidaes de que llueva dalgo, sobre too na fastera ocidental asturiana con unes temperatures mínimes en descensu moderáu y les másimes camudarán poco.
El domingu vamos tener dalgún intervalu nuboso pero predominarán los grandes claros, asina y too nun se descarta dalguna gotera arrastrada pol vientu que va seguir soplando con fuercia con unes temperatures, a pesar de la llume del sol, en moderáu descensu, sobre too en zones de montaña, onde van tener una sensación térmica mui baxa.
La prósima selmana seguiremos con esti tiempu de “nin fu nin fa” pero esto yá lu diremos viendo, mentantu a esfrutar de les espiches como esta del Grupu folclóricu de Blimea, que paséis una bona fin de selmana collacies ya collacios.
This work is licensed under a Creative Commons Attribution 4.0 International License.
