Bonos díes, bona xente.

Alborecemos col cielu nuboso y dalguna gotera con unes temperatures que tan alrodiu de los 12ºC, rexistrándose nel puirtu Payares 4,4ºC.

Güei pali que pali van dir abriéndose dellos claros nel trascursu la mañana, a la mesma vegada que va dir coyendo puxu l’aire gallegu que pue soplar con raches mui fuertes en zones altes ya en puntos del llitoral con unes temperatures n’ascensu y con dalguna gotera feble ya ocasional na fastera surocidental, siendo poco probable nel restu.

Mañana sábadu amenorgará l’aire, tendremos nubes ya claros con nubosidá de desendolque pela tarde cuando podemos tener dalgún xarabatu primaveral con unes temperatures másimes en llixeru descensu.

El domingu va repetise la situación con nubes ya claros nel cielu y dalguna gotera ocasiona y dispersa durante la tarde, sicasí sedrán menso probables y les temperatures tenderán a subir.

La prósima selmana seguiremos con esti tiempu inseguru y primaveral pero sin precipitaciones destacables, más bien sedrán febles ya ocasionales, pero esto yá lu diremos viendo.

Que paséis una bona fin de selmana collacies ya collacios.

Semeya del nuesu collaciu Aitor de Santomillao.