Mañana xueves, 20 d’abril, nel CMI d’El Cotu (Xixón), a les 19 h., David M. Rivas Infante presentará un alderique col entítulu “Economía y cambiu de ciclu” comu parte de los alcuentros d’Abril Insumisu
L’es-profesor de Cadarma Económica na Universidá Autónoma de Madrid sedrá l’encargáu de guiar un alderíque nel que se falará de la situación de precarieda que vive anguañu la clas trabayaora, d’una economía que vive la so enésima crisis, que, como otres vegaes toca pagar a les clases más populares. La visión del profesor sedrá perútil a la de ver les claves económiques que llevaron a esta situación, asina comu pa definila con claridá, viendo en que direción lleva, de manera que se puedan guetar soluciones y vies alternatives que nun dexen a la población más vulnerable na cuneta.
Darréu, abriráse un alderique nel qu’envalorar en comuña cómo poder tornar esta situación y los cambios que tán produciéndose na economía.
Abril Insumisu son xornaes que s’esparden per tol mes d’abril y nes que se tan tocando dellos temes revindicativos, sociales y d’actualidá, que culminarán con una xornada d’arruelu revindicativu na que se presentará oficialmente Asturies Insumisa, organizadora de les mesmes y que presllará les actividaes con un conciertu.
Asturies Insumisa ye una asamblea que ta construyida por un gran númberu de persones pertenecientes a múltiples organizaciones de toa índole, venceyaes a la llucha obrera de toa Asturies, un espaciu abiertu onde cualquier persona o colectivu d’Esquierdes Asturianu pue participar.
Nel Dos Santos
This work is licensed under a Creative Commons Attribution 4.0 International License.
