Tres aconceyar con Rafa Palacios, la candidata oficial de Podemos emprésllase na sede’l so propiu partíu pa que se caltenga la candidatura escoyía polos afiliaos 

Covadonga Tomé, escoyía polos miembros del so partíu pa ser la candidata nes prósimes elleiciones, desixe que se caltenga na llista elleutoral a Jorge Fernández, un de los afeutaos pola foleada de suspensiones y espedientes qu’afeuta a tola estaya crítica cola dirección  nacional de la formación morada. 

La decisión d’empresllase, xunto con otros diez integrantes de la so estaya del partíu, vino depués d’aconceyar con Rafa Palacios, coordinador interín tres de la baxa de Sofía Castañón ya implicáu elli mesmu en delles engarraes polítiques. Palacios insiste’n modificar la llista elexía, lo que pa Tomé ye un ataque a la democracia y a los elleutores qu’en primaries la decidieron. 

La candidata asegura amás que seis persones del so equipu, ella mesma incluyía, tan espedientados pola dirección de Podemos por fechos prescritos y anteriores a les primaries.

Per otru lláu y dientro la crisis xeneral de Podemos n’Asturies, los cuatro ediles nel Conceyue Llangréu críticos cola actual dirección -Cristina García, Luis Baragaño, Elías López y Blanca Pantiga- anunciaron la so decisión de dimitir tres la espirica con Rafa Palacios.