@eltiempunasturies
Bonos díes, bona xente.
Alborecemo col cielu nuboso y delles nubline y borrinos no fonderu los valles con unes temperatures que tan alrodiu de los 16ºC, rexistrándose nel puirtu Payares 9ºC.
Güei va caltenese la nubosidá nel cielu que pue tener ciertu desendolque durante la tarde, onde nun se descarta dalgunes precipitación febles, disperses ya ocasionales con unes temperatures suaves que mos dexarán un ambiente chornosu xunto a l’alta humedá y al aire sele ya variable.
Mañana xueves sedrá’l día más calurosu de la selmana pero nun vamos pasar la foguina del restu peninsular por mor de les nubes que seguirán presentes cola posibilidá de dalgún xarabatín de calter tormentosu pela tarde. L’aire seguirá sele ya variable y les temperatures ascenderán.
El vienres la situación sedrá mui asemeyada, alboreceremos ente’l borrín y la nublina, desendolcándose les nubes a partir del mediudía, pa dexanos con mayor probabilidá que güei xarabatos de calter tormenostu al atapecer. Les temperatures van seguir siendo mui suaves y l’ambiente chornosu.
El sábadu y domingu la inestabilidá primaveral paez que pue incrementase con xarabatos dispersos y de calter tormentosu y temperatures en descensu.
Que paséis un bon miércoles collacies ya collacios
This work is licensed under a Creative Commons Attribution 4.0 International License.
