Oxfam internacional vien de presentar, coincidiendo col Díi Internacional del Trabayu, les conclusiones del so estudiu añal

Acordies l’analís fechu por Oxfam, los salarios cayeron nel conxuntu del Estáu un 5,5% nel añu 2022, perdiéndo de media ca trabayaor unos 1.520 euros añales. Entantu, los dividendos de les empreses que cotizen en bolsa subieron un 27%. 

Como exemplu de la descomanada fienda económica punxeron un exemplu bien illustrativu: un trabayaor con un salariu curiosu precisaría de cuasi 150 años (cuatro vides llaborales) p’algamar la retribución añal promediu d’un conseyeru executivu del Ibex 35. 

Entantu, l’IPC torna subir n’abril, un 0’6%; la inflación nun subiere tanto dende mayu l’añu pasáu y esta medría vien sumase a la de 0’4 puntos del mes de marzu. El resultáu ye una perda de capacidá alquisitiva costante pa la población. 

Alberto Rodríguez

This work is licensed under a Creative Commons Attribution 4.0 International License.