A la hora beber cerveza tamién cuntamos con opciones asturianes, que non solo lleven a Asturies nel nome y l’etiquetáu, sinón que incluyen variedaes de toque puramente propiu, comu la cerveza formientao con formientu de sidre o afumiáo con lleña de faya.
Cerveces Cotoya forma parte d’Empreses y Profesionales pol Asturianu, lo qu’afita’l so compromisu col usu del nuesu idioma con normalidá
Diego Rodríguez lleva ellaborando cerveza casero dende’l 2007. En 2013 llanzó la marca Cotoya, entamando nel centru d’empreses d’ElSabil, en Villanueva (SantuAdrianu) y en 2016 treslladóse al Polígonu de Puente Nora (Llugones). Cotoya cuenta con una amplia variedá de cerveces y destaca pola so calidá les soscerveces, el curiáu puestu nes sos perguapes etiquetes y l’usu l’asturianu como llingua vehicular.
Ente les cerveces veceres de Cotoya, puedes tastiar:
– Cotoya Original. Una strongbitter al estilu de les isles britániques, llixeramente turriao y con maltes carambelizaes.
– Cotoya Session IPA. Cerveza roxa más llixero d’alcohol que la anterior, pero más cargada de llúpulu.
– Cotoya Fumu. El so ingrediente principal ye malta alemana afumiada con lleña de faya.
– Cotoya Sour01%. La cerveza ganadora na cabera edición del Toliviafest (Festival de Cerveza Artesana de Tolivia, Llaviana), onde sorprendió’l so tastu, magar de tener malpenes 1º d’alcohol.
Amásd’estes, tamién ellaboren otres cerveces de temporada, como ye’l casu de:
– Al debalu. Cerveza de formentación espontáneo con tres años de guarda. La so cabera edición táacabante de collechar gran aceptación nel Rustic& Wild Fest de Santa Pau (Girona).
– Cotoya d’Iviernu. Cerveza fuerte y especiada pa los meses más fríos del añu. Ca añu la so etiqueta va asociada a una montaña asturiana.
– Cotoya Siderale. Cerveza formentao con formientu de sidra del duernu.
– Delles cervecesd’estilu IPA, como ye’l casu de la cerveza,anguaño nos establecimientos veceros, Aye-Aye; Velutina o L’ifiernu de los rapitos.
Susana Sela
This work is licensed under a Creative Commons Attribution 4.0 International License.
