Entrevistamos a Diego Moris “Roxu”. Tien 44 años, ye trabayador d’Arcelor y presentase a les elleicciones a la Presidencia d’Asturies por Andecha Astur.

Dinos, ¿Qué ufre Andecha Astur a los asturianos que nun ufren otros partíos?

Andecha Astur cree n’una democracia participativa na que la sociedad asturiana pueda decidir sobró aquelles cuestiones que yos impliquen.
Somos el partiu de los drechos sociales, llaborales, non sólo los lligüisticos, anque tamién.
Somos un partiu de xente como tú, que tien que dir tolos dies a trabayar pa ganase la vida que conocemos los problemes d’Asturies porque los sufrimos como tu. Defendemos los tos drechos como asturianu y como trabayador. Trabayamos por una Asturies pa toes. Defendemos politiques compensatives pa col occidente y l’oriente.
Pero sobre too somos un partiu de xente que vive equi n’Asturies, que toma les decisiones contando solo cola xenti d’Asturies ensin recibir ningún mandatu dende Madri

Cítame los 5 principales problemes que carez el país

N’Asturies hai varios problemes a los qu’urxe pone-y solución darreu, más de cinco dende lluéu, y tan mui venceyaos ente si, entamando pola emigración de la xente moza, que produz una población más vieja y que tengamos menor población.
Nel orixe d’ello ta el desemplegu y los trabayos que güei en dií ufrense son cada vez más precarios. Existe una gran precariedá nes clases trabayadores, güei tener un trabayu nu garantiza poder tener una vida digna, nin tan siquiera garantiza poder facer comides saludables.

Esto pasa en bona midía porque’l modelu productivu asturianu ta caduco, hai que facer inversiones pa camudalu, pero ensin idegues peregrines que solo van enfotaes al turismu y expulsar a la xente moza d’Asturies pa camudarla por xenti foriata ensin ningún apegu por Asturies.

La vivienda ye otru de los problemes que tenemos nel pais, la especulación cada vez mayor fae imposible que la población en xeneral y la xenti moza en particular pueda acceder a una vivienda digna.
Hai tamién un problema de falta de comunicaciones, col esterior y sobre tou internes; fae falta recuperar los trenes de cercanies que vertebren toda Asturies.
Pero’l mayor problema d’Asturies ye’l Psoe y tolos partidos españoles que lleven 40 años espoliando el nuesu país, que nun miren de cara los verdaderos problemes que tenemos los asturianos y que solo atienden a los mandatos que reciben dende Madri

¿Andecha Astur tien un programa concretu qu’encare soluciones a estes cuestiones?

Si por supuestu. En munchos casos ye una cuestión de voluntá real y sentíu común, son munches, munches coses les que puen facese pa meyorar el futuru d’Asturies, si se faen cola mirada puesta en meyorar la vida de los y les asturianes; nel tema la vivienda, por casu, fadríemos lleis pa regular los precios d’arrendamientu de la vivienda que ponga llimite a la especulación turística faciendo fincapie na mocedá, ampliaríemos el parque públicu de viviendes,implantando un reximen especial a viviendes vacíos
Pa torgar la perda poblacional, urxen planes efeutivos d’emplegu mozu y una renta básico d’emancipación pa la mocedá, creando tamién planes d’aides pa los que quieran tornar a Asturies.  
Pa sofitar la piqueña empresa proponemos la eliminación d’impuestos de sociedaes a uutonomos que facturen menos d’un millón d’euros al añu, subiendoyoslo per otru lláu a les grandes fortunes. Quien más tien, más debe pagar.
Hai que potenciar la Marca Asturies y poner en marcha politiques actives pal consumu d’allimentos asturianos, creando aides especifiques p’0autónomos qu’apuesten por trabayos tradicionales asturianos y sofitando lo propio en llugar de facilitar terrenos a multinacionales de comerciu a distancia, comu Amazon.
Apostamos por convertir Feve nel vraeru metru tren asturianu, vertebrando asina tol territoriu. Pa facilitar les comunicaciones con España, desaniciar el peaxe del Güerna y apostar por una autopista La Espina-Ponferrada. 
El salariu mínimu nun pue tar perbaxo los 1.200 euros y defendemos la selmana llaboral de 35 hores ensin mengua de salariu. Habrá quien diga qu’eses coses nun puen decidise dende Asturies, que son “estatales”. Bien, ehí ta precisamente bona parte’l problema. Hai muncho,  muncho que facer y tien de facese dende Asturies.

Llevais tiempu falando d’un frente ampliu asturianu y d’izquierdes. ¿Va concretándose esi proyeutu?

Dende Andecha Astur somos conscientes que hai mucho trabayu por facer, que igual nun tenemos la razón absoluta, por eso llevamos tiempu trabayando por algamar un frente lo más amplio posible, una collaboracion con tolos partios y organizaciones asturianos que valga como ferramienta pa solucionar los problemes d’Asturies. Pa ello sólo ponemos dos condiciones,ser de izquierdes y ser d’ambitu asturianu ensin mandatos dende Madri.
De momento nun pudo ser ,pa les organizaciones por distintos motivos nun ye’l momentu, pero que nun quede nenguna duda qu’Andecha Astur seguirá trabayando p’algamar esti frente, seguiremos trabayando por Asturies donde seguro nun vais alcontrar a Andecha ye n’enfrentamientos con organizaciones coles que compartimos suaños y rialides

Si sales elexíu ¿Per onde entamaríes a trabayar?

Si salgo ellexíu, lo primero que faeré ye entamar a trabayar pa camudar un estatu impuestu por Madri, que los asturianos nun decidimos. Pa ello, siempres, cuntando  cola sociedá asturiana,c oles organizaciones sociales, sindicales ,culturales y polítiques asturianos. Faeremos esto lo primero porque pa llevar a cabu’l nuesu programa fae falta dotar al gobiernu Asturianu de plenes competencies.
Lo que si tenemos claro ye que dende el primer dia pondremonos a trabayar pa meyorar d’una bones la vida de les asturianes y asturianos.

¿Qu’opines del “votu útil”, entendíu comu’l votu a los de siempres?

Toi totalmente d’alcuerdo col votu útil. Entendiendo cómu votu útil aquel que va trabayar polos intereses d’Asturies ensin condiciones, ensin que naide yos diga lo que tengan que facer más qu’aquelos a los que se deben, que son les asturianes y asturianos.
Poro,  votu útil asturianu si, votu útil ye Andecha Astur

Tais teniendo problemes coles papeletes y escritos n’asturianu ¿Porqué nun se rendir y facelo n’español comu tol mundiu?

El problema al que se enfrenta Andecha Astur bien debio a que nun tenemos una llingua oficial, pero a esi mesmu problema enfréntense tolos diis los asturfalantes nes sos acciones cotidianes.
Esto ye lo que conlleva los inventos de Barbon cola so oficialidá amable, pero nun nos engañemos,Barbon ye’l culpable pero tolos partios del parlamentu asturianu son cómplices; munchos d’ellos lleven nos sos programes la defensa del asturianu p’ algamar unos cuantos votos, pero llueu nun faen nada dende esi parlamentu pa la so defensa, nin  siquier una cosa tan cenciella como yera sofitar a Andecha n’esta batalla,como yera presentar tamien ellos les sos papeletes n’asturianu.
Pero ningún partiu va facelo porque simplemente tan a los que yos manden dende Madri, na realidá da-yos totalmente igual la Llingua Asturiana.

Nel Dos Santos

This work is licensed under a Creative Commons Attribution 4.0 International License.