Nestes elleiciones, comu amuesa del so compromisu colos movimientos sociales y obreros, Andecha Astur quiso incluyir nes sos llistes a persones conocies pola so implicación cola llucha polos drechos del pueblu. Ye’l casu de Félix Redondo, que pesi a los munchos pilancos qu’alcontró en camín -represión sindical, despidiu improcedente, inxuries, menacies, falses acusaciones, pelees de les que pudo salir victoriosu…- ye reconocíu pola so llucha polos drechos de los trabayaores de repartu a domiciliu, los Riders.

 ¿Cómu entraste en contactu con Andecha Astur?

A ráiz d’un xuiciu que tuvimos un escompañeru y yo va tiempu por despidu y represión sindical, nel que’l xuzgáu de Xixón nos diere la razón pero llueu el Supremu quitómosla, agora recurrimos nos… lluéu fui con ellos nel viaxe  entamáu por Andecha Astur a Madrid con representantes de dellos conflictos llaborales asturianos pa aconceyar con diputaos de Bildu y ERC. Ellí conocí a miembros de la executiva y tamién al actual candidatu, Roxu. 

¿Qué te paez que Andecha Astur integre representantes de movimientos obreros nes sus listes pa dayos voz?
La verdá que nun me lo esperaba pero creo que ye una bona iniciativa por parte d’ellos, porque atraen enerxía nueva y ganes y porque dan espaciu a persones nueves y a estos conflictos.

¿Qué podría cambiar si los trabayadores asturianos estuvieran en los órganos de poder?
Sinceramente, la precariedá qu’asola está ciudá dende va tiempu. Negocios que van a peor, xente que nun tienen pa llegar a final de mes pa alimentar a les sus families, negocios que presllaron por nun poder facer frente a los gastos, families echaes de les sos cases… y tou poles males xestiones d’un gobiernu que nun mira pol pueblu y que traten comu terroristes a quienes quieren defendese, comu pasa coles 6 de la Suiza. Lleis que nun faen por cumplir, comu la Llei Rider… son demasiaos los trabayos precarios, non solo los Riders, ta Konecta, Amazon, Seur y munchisimos más. 

Si los trabayaores tuvieremos poder cambiaría too eso. Curiaríase más la educación, la mocedá tendría trabayos dignos y nun tendríen que colar, los mayores podríen vivir bien… Nun somos ganao nin carne de cañón. 
Por ello el pueblu tien de lluchar pola llibertá de decidir por si mesmu, non pola esclavitú de ser mandáu, el pueblu tien el poder y tien d’utilizalu actuando toos xunios pa crear un mundiu, una Asturies nueva, digna, que garantice a homes y muyeres un trabayu, a la mocedá un futuru y a la vieyez una seguridá.

Llucía F. Marqués

This work is licensed under a Creative Commons Attribution 4.0 International License.