Los ecoloxistes critiquen  la falta de reación del Conceyu Xixón y del Principado, que nun activen el plan d’alarma

Xixón ta inmersu nun grave episodiu de contaminación, con peraltes concentraciones de partícules dende va dellos díes, que repercuten pernegativamente na salú de la población, mui especialmente nos grupos de riesgu, comu persones con malures respiratories, reciella y vieyos.

Nesta situación tendría d’activase’l protocolu de contaminación del aire, activándose’l nivel d’alerta y avisándose de los riesgos a la población, acordies al Real Decretu 34/2023, que recueye que “cuando se supere o se prevea que va superase l’umbral d’información o d’alerta del anesu, les alministraciones competentes adoptarán les midies necesaries d’urxencia ya informarán a la población”, lo que nin el Principáu nin la Casa Conceyu ficieron. 

Poro, tal comu recalquen dende la Coordinadora Ecoloxista d’Asturies, namás mos queda esperar que llueva y rebaxe la contaminación disparao que s’alienda en Xixón. La CEA remembró tamién que les Alministraciones son responsables de xestionar esti problema, a riesgu de crear -o apiorar- un seriu problema de salú pública. 

Alberto Rodríguez

This work is licensed under a Creative Commons Attribution 4.0 International License.