Si primero foron los militares y lluéu los policíes, agora son los Guardia Civiles los que visiten los colexos nuna campaña de llaváu d’imaxe col que traten d’esborriar el so papel na hestoria recién d’Asturies
Toco-y la vez al Colexu Públicu d’Educación Especial de Castiello y esta vuelta foi la Guardia Civil la que fexo la “esibición de procedimientu”, incluyendo una esposición de material y la presencia de perros adiestraos. L’eventu nun algamó los niveles de violencia esplícita vistos na carga policial con detención de La Carriona va pocos díes, pero nun dexa de ser un alarde de fuercia por parte les Fuercies de Seguridá del Estáu col que blanquien la imaxe d’esti cuerpu, bien conocíu n’Asturies polos sos crímenes demientres tola dictadura y años posteriores.
Per otru lláu, esta triba d’esibiciones, lloñe de representar los oxetivos d’educación pa la paz y la convivencia, son abonu perfechu pal xorrecimientu del facismu na mocedá y reciella asturianes, un fenómenu que ya ta teniendo consecuencies llacerioses en colexos ya istitutos.
Llucía F. Marqués
This work is licensed under a Creative Commons Attribution 4.0 International License.
