Lloñe de conseguir l’oxetivu “fienda salarial cero”, les muyeres n’Asturies tienen trabayos más precarios, con más xornaes parciales non deseyaes y los sueldos más baxos 

Pesi a ser de les que más formación tienen y pesi a que’l 54% por ciento de les persones que se graduen na Universidá d’Uviéu son muyeres, el fechu ye que les asturianes cobren un 30’21% menos que los asturianos, más de siete puntos perriba de la media española (23%). Los trabayos consideraos “femeninos” (ello ye, con baxa presencia d’homes nellos) son peor consideraos y peor pagaos y los conflictos llaborales de llarga duración cébense’n seutores nos que les muyeres son mayoría.

Amás, la tasa d’emplegabilidá de les muyeres cai sigún van teniendo descendencia, daqué que nun pasa pente los homes. Ello lleva a que más del 14% de les asturianes que nun tienen fios argumenten que nun lo faen por motivos llaborales. Por esi mesmu motivu’l 34% de les muyeres que ya tienen un fíu deciden nun tener otru. L’impautu sobro una población avieyada y amenorgada comu l’asturiana espeyase bien na cayia demográfica que carez Asturies. 

Alberto Rodríguez

This work is licensed under a Creative Commons Attribution 4.0 International License.