Facemos un llamáu a contrarestar l’ataque facista que ta careciendo esti llocal en redes, dando-yos valoraciones positives, consumiendo ellí y etiquetándolos n’espublizaciones

Vendetta ye’l chigre xixones nel que, nun actu de congruencia y bon gustu, negaron la consumición a un conceyal de VOX, convirtiéndolu nun establecimientu de parada obligatoria pa cualisquier antifacista o defensor de los drechos y llibertaes que pasen per Xixón.

El facismu nun da tregua y ta vengándose a la so manera, faciendo dañu con mentires y a traición: tan machacándolu en redes con valoraciones negatives, lo que comu llocal d’hostelería ta afeutándolu pernegativamente, poniendo’n riesgu la so viabilidá. Amás tan recibiendo menacies direutes en redes por xente que nin siquiera da la cara.

Dende Vendetta retruquen a esa xente “Nun vamos consentir qu’esti tipu de xente mos menacie impunemente, nun vamos dexar que se nos pisotee por dexar de servir a un representante políticu d’un partíu que tira a la basura a families, a coleutivos, victimes de violencia de xéneru, que discrimina y señala col déu, que s’escaez de que toos y toes amemos a quien amemos somos persones, que vive de prevocar y semar odiu”.

Dende InfoAsturies facemos un llamáu a tolos antifacistes de dientro y fuera d’Asturies pa contrarestar esti ataque y pedímote que participes, ye bien cenciello.  Por favor, entra en Google col to perfil, poniendo usuariu y contraseña. Escribe na ventana de guetar “VENDETTA GIJÓN” y llévate a les entraes que n’Internet se refieren al llocal. Pero, a la drecha hai una banda vertical que permite la to participación. Gueta onde diz “escribi una reseña”, ehí pues poner 5 estrelles de calidá al llocal en varios separtaos y escribir un comentariu amable, que fale de la profesionalidá del llocal, de la so prestanza, de la bona rellación consumición/preciu, de l’amabilidá del presonal… De lo que quieras, pero dexa un comentariu positivu. Vete al llocal y consume -tomar daqué nun ye na que mos cueste tanto-; saca una semeya ellí y súbela en redes, etiquétalos, @gijonvendetta. Síguelos en redes sociales. Fala a la xente d’esti chigre y afálalos a dir. 

Aidémoslos, nestos momentos tán na mira del facismu. Esparde esto ente los tos contautos, por favor. Gracies por collaborar. Pintemos una raya roxa al facismu.

Llucía F. Marqués

This work is licensed under a Creative Commons Attribution 4.0 International License.