Bonos díes, bona xente.
Alborecemos con nubosidá baxa , tando escampláu pela cordelera con unes temperatures que tan alrodiu de los 19ºC, rexistrándose nel puirtu Payares 10,8ºC.
Güei veremos dalgo más el sol qu’ayeri ya tendremos apertura de claros nes hores centrales del día, tando escampláu nes zones altes de la cordelera y más nuboso na fastera central asturiana con unes temperatures que van camudar poco, calteniéndos un ambiente mui afayaizu.
Mañana martes va tar más escampláu y el cielu tará poco nuboso con subida de les temperatures másimes, sicasí a últimes hores tendremos un aumentu de la nubosidá. L’aire sedrá sele ya variable con brises pela costa.
El miércoles l’aire fríu n’altor que mos empobina una vaguada atlántica va facer que medren les nubes de desendolque pela cordelera y mos dexen xarabatos de calter tormentosos llocalmente pela tarde, amás los borrinos y nublines del alborecer na fastera central asturiana puen ser dalgo más persistentes con unes temperatures másimes en descensu pero entovía con un ambiente mui afayaizu.
Paez que’l xueves nun vien tan mal como presentábase ayeri ya tendremos nubes ya claros con un ascensu llixeru de les temperatures másimes pero esto yá lu diremos viendo.
Que paséis un bon llunes collacies ya collacios.
Semeya del nuesu collaciu Pachu Armesto Hevia.
This work is licensed under a Creative Commons Attribution 4.0 International License.
