Por primer vegada, la CometCon va cuntar cola única reproducción d’una nave d’Star Wars de toa Europa a escala 1.1 que los asistentes podrán pilotar
Dolce metros y mediu de llargu, cuatro cañones laser Taim y Bak IX4, dos llanzadores de torpedos de protonesKrupx MG7 (3 torpedos caúnu) y producida pola empresa Incom Corporation, esta ye la ficha téunica d’esta pieza de coleicionismu única que visitara Asturies per primer vegada.
Los organizaores de la Cometcom queríen cellebrar el so ventiavu primer aniversariu trayendo daqué único y qu’obviamente encaxare cola temática de la CometCon. La nave, que lleva más de cuatro años viaxando por Dubái, Francia, Alemaña, ye la única d’Europa nesta triba que respeta la escala orixinal de les naves y qu’amás permite xubíse a la nave y pilotala con unes gafes de realidá virtual pa xugar a Star Wars
Xwing, una esperiencia y completa.
Héctor Lasheras, director del festival declaró que “ye la mayor inversión hasta la fecha de tolos festivales d’Asturies nuna sóla pieza espositiva, el valor económicu ye alto, pero más altu ye l’impactu que va crear nos vistantes”.
El X-wing o Esnala X n’asturianu va tar asitiáu nel pabellón central de la CometCon los díes 1,2,3 de setiembre.
Alberto Rodríguez
This work is licensed under a Creative Commons Attribution 4.0 International License.
