El Conceyu Somiéu llegaliza na Pola Somiedu un asentamientu con tiendes, caravanes y auto caravanes que pernocten ellí demientres díes
Dende la Coordinadora Ecoloxista denuncien que resulta irregular que’l Conceyu llegalice unes istalaciones de camping cuando’l consistoriu tien namás competencies urbanístiques p’autorizar un parking d`autocaravanes en tránsitu (másimu de 2 nueches), d’alcuerdu al Decretu 61/2022, de 23 de setiembre, d’Ordenación de campamentos de turismu y árees especiales d’acoyida d`autocaravanes en tránsitu. Estos aparcamientos nun pueden tener servicios d’hostelería y nesti hai hasta una cafetería.
Esti camping, allugáu pente dos calces de ríos, nuna xona qu’afeuta al dominiu públicu hidráulicu, ta furrulando ensin tener l’autorización de la Dirección Xeneral de Turismu, a la que nun consta la so tramitación. El so allugamientu ye tamién pelligrosu pol eleváu riesgu d’hinchente.
Susana Sela
This work is licensed under a Creative Commons Attribution 4.0 International License.
