Ayeri desvelóse la incógnita d’a quien tará dedicá la prósima edición del mayor Festival Intercélticu, que se cellebrará del 12 al 18 d’agostu

Ca añu’l Festival tien de protagonista a ún de los países participantes, ocupando esi país un llugar privilexáu na programación y nos espacios del mesmu. Asina, l’añu pasáu tuvo dedicáu a Asturies ya’l presente ye l’añu d’Irlanda.

Fasta ayeri nun se supo a quienes correspondería l’honor l’añu viniente, siendo ello que tres del parón Covid quedó desiguao el sistema d’ordenación que se caltenía, polo qu’había un fuerte alderique sobro la cuestión.

La decisión de la organización del Festival foi salomónica: l’añu 2024 va tar dedicáu a la mocedá celta, convidándose a los más mozos de tolos países, escoyendo asina un tema qu’esmolez por igual a toles delegaciones, el relevu xeneracional y la tresmisión de la tradición. Na presentación tuvieron presentes un músicu o música mozos, interpretendo toos ellos xuntos una pieza de la so creación. Polos asturianos tocó’l gaiteru Daniel Meré.

El retu ta agora enriba la mesa. ¿Hai grupos de bailles esclusivamente de mocedá n’Asturies? ¿Sedría esti el momentu de sofitar istitucionalmente la creación d’una formación moza de baille’l país, con participantes de toa Asturies? ¿Taría l’alministración del Principado dimpuesta a ello? tenemos un añu pa comprebalo.

This work is licensed under a Creative Commons Attribution 4.0 International License.