Esti branu ta siendo intensu y cargáu d’actos a la escontra del turismu masificáu y les sos consecuencies, xentrificación, precarización llaboral, desaniciu de formes de vida tradicionales, perda d’identidá, estroza de llugares naturales y padremoñu, sobrecostes y deficiencies derivaos del usu masivu de servicios a la población…
Per un lláu, continúa la campaña que nesi sen lleven desendolcando dende Andecha Astur dende va delles décades y qu’esti añu va visitando ya delles llocalidaes, repartiendo información tanto a asturianos comu a turistes, siendo Cuideru la prósima cita na tardi d’esti vienres.
Per otru, esti branu xunióse a la revindicación con munchu puxu el paragües d’asociaciones revindicatives asturianes, Asturies Insumisa, que depués de la so esitosa aición escontra la xentrificación na playa San Llorienzo y de recorrer los grandes eventos del branu asoleyando la so propuesta por un modelu de turismo caltenible, convoca agora pa mañana xueves una concentración delantre la Feria Internacional de Muestres, a les siete la tardi.
Susana Sela
This work is licensed under a Creative Commons Attribution 4.0 International License.
