La presencia nel llavaeru del Batán d’Hunosa en Mieres d’una parva carbón al aire llibre, que supera los parámetros aceutables en dellos metros,

El tamañu y la cantidá de carbón apinao facilita l’arrastre de povisa pol vientu, que lleva carbón hasta les viviendes d’alrodiu la istalación. L’almacenamientu de graneles, remembren dende la Coordinadora Ecoloxista d’Asturies, que dio noticia de la illegalidá a les autoridaes, tien de facese adoutando siempres les midíes afayaices pa torgar que s’espardan col aire.

Recalcaron tamién que la Istrución Téunica que recueye los requisitos pa la proteición del mediu ambiente atmosféricu nes llabores de manipulación y almacenamientu de graneles sólidos afita qu’ello tien de facese a cubiertu, con apantallamientu perimetral d’al menos tres de los sos lláos, incluyíu l’afeutáu pol vientu predominante, cuestión que tamién s’incumple nesti depósitu.

La esposición a niveles elevaos de partícules pue causar enritación de les víes respiratories y de los polmones, apiorando la sintomatoloxía en pacientes con enfermedaes cróniques respiratories (enfisema, EPOC…), asmáticos y alérxicos. 

Susana Sela

This work is licensed under a Creative Commons Attribution 4.0 International License.