La xubía de la cesta básica de la compra sigui disparao entantu los salarios medren n’Asturies perbaxu’l nivel estatal
L’aumentu interañal de la cesta la compra básica n’Asturies ye del 10’2%, acordies los datos d’inflación apurrios pol INE. Dalgunos alimentos básicos suben mui perriba d’esi porcentaxe, con un 37% de medría del preciu del zucre o’l 39% más nel preciu l’aceite d’oliva. Comer carne ye un 17’8% más caro si ye de gochu y un 14% si ye de xata, los güevos xubieron un 13’5% y daqué tan cotidiano comu’l llechi ye un 16’8% más caro, incrementu que, por ciertu, nun aportó de denguna manera a los productores. Aparte de la comida, los carburantes tamién carecieron un fuerte incrementu de los precios.
Paralelamente, l’incrementu salarial pautau nos convenios coleutivos foi del 3’11%, siete puntos menos que’l de los alimentos. Nesti casu, Asturies tien una medría perbaxo del nivel estatal, que sube, de media, un tamién míseru 3,34%.
Alberto Rodríguez
This work is licensed under a Creative Commons Attribution 4.0 International License.
