Hai más cases de segunda residencia o turístiques que de vivienda avezao na mayoría los pueblos l.lenenses
Tuiza, Llanos de Somerón, Parana, Herías, San Miguel del Río, Casorvía o Parana son dalgunos de los pueblos l.lenenses que, alcordies se desprende del Nomenclátor d’Entidaes de Población d’Asturies, ellaboráu pola Sociedá Asturiana d’Estudios Económicos ya Industriales (SADEI), malpenes tienen moraores fuera de les vacaciones y fines de selmana, pero que s’enllenen con visitantes en temporaes non llaborales. Como consecuencia, los servicios d’esos pueblos y la so financiación tienen la midía de los sos pocos habitantes, pero tienen que responder a les necesidaes de los esporádicos, xenerando deficiencies qu’afeuten tantu a propios comu estraños.
Esti ye un casu que se repite na mayor parte los conceyos asturianos y una de les consecuencies del turismu descontroláu que se denuncia dende campañes comu la d’Andecha Astur o la d’Asturies Insumisa.
Alberto Rodríguez
This work is licensed under a Creative Commons Attribution 4.0 International License.
