Mediu ambiente contra Tresportes: l’Estáu español pleitea contra si mesmu nun capítulu más de la llaceriosa xestión de la Variante de Payares
La variante Payares, esa obra etenra que menacia con superar cualisquier sobrecoste maxinable, nun dexa de dar allegries. L’agua que filtra pel túnel que sal a Teyeo, afuracando el Cordal Cantábricu, vien de Lleón y fina n’Asturies. Esi agua, que tendría de finar nel ríu Bernesga y a la llarga regar los cultivos de la so cuenca, nun aporta al so destín ñatural, sinón qu’al traviés de los canales soterraños, escavaos ensin cuntar cola configuración xeográfica ya hidrográfica de la fastera, tresvásase a la vertiente asturiana.
Mediu ambiente ya dictó resolución al respeutu, obligando a bombear de vuelta esi agua, una operación qu’implicaría una planta de bombéu con un coste estimáu de trenta millones d’euros a los que sumar otros dos añales de caltenimientu. Sicasí, dende’l Ministeriu de Tresportes, Movilidá y Axenda Urbana, del que depende “Administrador de Infracadarmes Ferroviaries” (“ADIF”) nun acaten esa resolución y anuncien qu’apelarán a los tribunales de xusticia pa evitar devolver l’agua, non por consideralo inxusto sinón por albidrar que ye económicamente inviable.
Alberto Rodríguez
This work is licensed under a Creative Commons Attribution 4.0 International License.
