La empresa ya foi sancionada en delles ocasiones por incumplimientos ya illegalidaes en dellos de los sos múnchos ámbetos de negociu

Sacyr Social resultó axudicataria en 2021 d’un de los llotes nos que se dixebró’l contratu de Serviciu d’Aida a Domiciliu de Xixón, SAD, faciéndose responsable dende mayu d’esi añu l’atención a los usuarios de les zones Centru y El Llanu.

La Fundación Municipal de Servicios Sociales deteutó, gracies a la denuncia de delles emplegaes de dichu serviciu, numberoses «irregularidaes ya incumplimientos», tantu en relación al serviciu ufiertáu como nel tratu a les sos emplegaes, de los que dio cuenta a la empresa nun escritu unviáu en febreru d’esti añu. Ente otres cuestiones, denunciábase la desatención a los usuarios, los cambeos continuos del personal qu’empresta’l serviciu y de los horarios de prestación,  la non tramitación d’altes d’usuarios dientro’l plazu, asina comu los frecuentes erros na facturación d’hores y nel control horariu de los trabayaores.

Énte l’acusación, la empresa allegó problemes derivaos de la fuelga nel sector y que “nos últimos meses l’índiz de quexes de los usuarios ye bien baxu“, razones que nun convencieron a la xunta rectora de la Fundación Municipal de Servicios Sociales de Xixón, qu’esti vienres aprebó na xunta estraordinaria sancionar con una multa de 52.007 euros a la empresa Sacyr Social.