Una representación de llagareros xaponeses van presentar la so sidre nel Muséu de la Sidra de Nava esti sábadu, dientro de les actividaes del XIII Salón Internacional de les Sidres de Gala -SISGA’23-
La cita cola sidre nipón ye’l sábadu 30 a les 18:00 nel Salón d’Actos del Muséu de la Sidra, onde Tatsuro Fuji, de Fukiware Cidrerie, realizará una tastia guiada abierta al públicu -fasta completar aforu- na que falará de la sidre en Xapón y retrucará a toles duldes de los presentes.
La collaboración con Tatsuro de la Fundación Asturies XXI, organizadores del SISGA xunto cola Revista LA SIDRA, ye llarga nel tiempu, pero los venceyos con Xapón d’esta entidá afondaron enforma arriendes de la visita d’una delegación d’Asturies XXI al país del sol naciente. Nes caberes décades la sidre foi incorporandose al consumu y producción d’esti país tan llonxanu xeográfica comu culturalmente d’Asturies.
Xapón ta entrando na redolada sidrera y non solo prebando ya importando sidre, sinón definiendo los sos propios enclinos. La influencia de la sidra asturiano faise evidente na busca d’una sidra natural, d’estilu propiu, ensin penerar y ensin agregos, pero tamién esperimenten con productos y formatos similares a la sidre inglés o inclusive la bretón. De destacar daqué en concretu sobro la producción de sidrenipono sedría’l so estremu curiáu de les pumaraes, qu’esplica’l so enclín a ellaborar sidres monovarietales, aspirando más a la calidá de productos orgánicos y de cercanía qu’a la cantidá de producción.
Amás de na tastia específica en Nava, una escoyeta de sidres xaponeses tarán disponibles na tastia abierta que va tener llugar el sábadu 30 de setiembre, de 12 a 15 y de 17 a 20 hores nel Pabellón de Congresos de la FIDMA, na que por namás 10 euros van poder tastiase 287 sidres de 92 llagares de trés continentes.
Alberto Rodríguez
This work is licensed under a Creative Commons Attribution 4.0 International License.
