El nuevu sindicatu, que quier englobar a toles persones que dependen d’un sueldu pa vivir, preséntase nuna rueda de prensa esti sábadu 30 de setiembre
L’apertura d’una sede física na cai Andalucía, na que desendolcar el so llabor ye l’argumentu pa presentar oficialmente a esti sindicatu, que ya lleva un tiempu furrulando en dellos conflictos llaborales y que ya se presentó en xunetu a les elleiciones na estaya d’Avilés del Grupo Konecta, quedando en segundu llugar nes mesmes y costituyendose asina la 1ª seición sindical de la Red de la Clas Trabayaora.
Amás de la llucha sindical que vele polos drechos llaborales de los trabayaores y persiga la meyora de les sos condiciones, la Rede de la Clase Trabayadora (RCT) busca recuperar la concenxa de clas y reforciar la xunidá ya’l sentimientu de pertenencia a una única clas social de toos aquellos que dependen d’un emplegu y d’un salariu pa intentar tener una vida digno.
“Vivimos nuna sociedá de clases na que la única forma d’avanzar ye la de facer a les élites retroceder, la costrución y puesta en práutica d’un sindicalismu que viva nel presente, que seya funcional y que por coherente ya integru xenere solidaridá de clas y respetu”, declaren.
La rueda de prensa de presentación de la RCT tendrá llugar a les once y media del sábadu 30, nel númberu 33 de la Cai Andalucía. Darréu, a les 12:30, la sede abriráse oficialmente pal so furrulamientu.
Nel Dos Santos
This work is licensed under a Creative Commons Attribution 4.0 International License.
