Bonos díes, bona xente.

Alborecemos col cielu poco nuboso o escampláu ya con unes temperatures que tan alrodiu de los 15ºC, rexistrándose nel puirtu Payares 13,9ºC.

Güei una vegada más vamos pasar muncho calor con unes temperatures másimes qu’algamarán los 30ºC en munchos puntos d’Asturies, sicasí puen surdir nubes baxes o nublines en dellos puntos de la costa condicionando ellí les temperatures, nel restu tará’l cielu poco nuboso o escampláu.

Mañana martes la situación sedrá mui asemeyada, sicasí les nublines de la costa sedrán más abondoses ya estenses pero nel restu seguirá lluciendo’l sol con temperatures mui altes, volviéndose algamar los 30ºC en munches zones d’Asturies.

Nun camudará’l tiempu hasta la fin de selemana que refrescará y pue llover dalgo. Mui a destacar la situación meteorolóxica que tamos viviendo, s’están pulverizando tolos record de temperatures pa un mes d’ochobre , pue decise que tamos viviendo una situación histórica , sobre too por su duración ya l’altura del añu na que mos atopamos.

Que paséis un bon llunes collacies ya collacios.

Semeya del Pastorín de Xove del puirtu La Farrapona col ll.agu la Cueva al fondo en Somiedu.