Podemos Asturies torna pagar les consecuencies del sometimientu políticu a Madrid cola espulsión de la so única diputada n’Asturies por decisión de la Secretaria Xeneral del partíu
La Comisión Estatal de Garantíes de Podemos alcordó la suspensión cautelar de militancia de la so única diputada nel parlamentu asturianu, Covadonga Tomé, al considerar que esta protagonizó situaciones irregulares y perxudiciales pa la imaxen del partíu.
Criticar les espulsiones, dir a manifestamientos pola sanidá pública o contra la contaminación, una rueda de prensa contra Amazon o reunise con vecinos d’un barrio tan pente los motivos “mui graves” recoyíos nel espediente de purga a Cova Tomé por Ione Belarra, afalándola direutamente a dimitir.
Nun ye más qu’otru pasu nel autofagocitamientu de la formación morada n’Asturies, afaláu ensin piedá dende Madrid dende’l momentu en qu’intuyeron que podríen tener dalgún enclín a organizase dende’l propiu territoriu: Un partíu estatal nun va consentir nunca que se priorice Asturies.
Redaición InfoAsturies
This work is licensed under a Creative Commons Attribution 4.0 International License.
