Les trabayaores del Serviciu d’Atención a Domiciliu de Xixón alvierten de que nun tan dimpuestes a que se de marcha atrás nos avances consiguios nel 2.016 y nel 2.018
La concentración d’ayeri tardi reclamaba, ya non nuevos drechos que finen cola precariedá llaboral d’esti seutor, sinón que nun se pierdan los que tienen. Drechos llaborales comu descansos de trenta menutos (non de cincu) en xornaes de seis o más 
hores, el drechu a vehículu de sustitución en casu de rotura del propiu -que usen pa los sos desplazamientos al trabayu-, la denomada “paga de calidá”, 1.200 euros brutos añales dividios en dos semestres pa les que faen xornada completa o pluses por trabayar fines de selmana foron algamaos tres de les protestes del 2.016, pero nun apaecen nos nuevos pliegos de contratación de les empreses socontrataes pol conceyu de Xixón, Senior, Sacir y Arquisocial.
La esculpia del conceyu ye “equiparase” al resto de conceyos asturianos. Eso si, equiparase per baxo.
Alberto Rodríguez
This work is licensed under a Creative Commons Attribution 4.0 International License.
