La refuga a la masacre del pueblu palestín sacó ayeri otra vuelta a la cai a miles d’asturianos que denunciaron coles sos voces la pasividá internacional ante un xenocidiu manifiestu
“Masacre, llimpieza étnica, ocupación. Les tres pallabres que resumen la hestoria d’Israel de magar el so ñacimientu en 1948”. Asina entamó la intervención cola que remataba’l manifestamientu en defensa de los drechos del pueblu Palestín. A los palestinos quédayos menos del 10% del territoriu palestín orixinal. Non contentos con ello Israel fae por desaniciar el pueblu en si, sometiéndolos a toa triba d’ataques, asesinatos, humildaciones y privaciones.
La solidaridá de los pueblos, demostrada ayeri con una multitudinaria asistencia al manifestamientu en Xixón, ye la única arma que tenemos pa facer rescamplar los abusos que la “comunidá internacional”, con Europa y EEXX al frente, permiten y padrocinen. “Nun ye una guerra, ye un xenocidiu” “Israel asesina, Europa padrocina” foron dalgunes de les proclames glayaes poles cerca de tres mil persones que desplegaron una gran bandera palestina na Plaza’l Parchis, anantes de manifestase pela Cai S. Bernardo fasta la Casa Conceyu.
This work is licensed under a Creative Commons Attribution 4.0 International License.
