Bonos díes, bona xente.
Alborecemos col cielu nuboso y dalguna precipitación na fastera más surocidental d’Asturies con unes temperatures que tan alrodiu de los 12ºC, rexistrándose nel puertu Payares 5,5ºC.
Güei va cruzanos un pequeñu frente pela mañana, nestes primeres hores que va dexanos precipitaciones d’oeste a este, remitiendo al mediudía pa dexanos solo xarabatos residuales na fastera surocidental d’Asturies, vendrá acompangau de fuertes raches de vientu y un descensu nes temperatures que dexando nieve nes cumes más altes de la cordelera. Dempués van abrise claros pa dexanos una tarde seliquina anque l’aire seguirá soplando con fuercia.
Mañana sábadu les precipitaciones se van a centrar na fastera ocidental d’Asturies que podrán ser abondoses y persistentes, nel restu aparecerán pela tarde pero yá de forma más feble y dispersa.
Les temperatures subirán moderadamente y el vientu ábrigu ruxirá nes montañes asturianes.
El domingu amenorgará l’aire, les temperatures descenderán y les precipitaciones sedrán febles ya dispereses.
Paez que la selmana viniente se dividirá en dos partes, la primera más seliquina y la segunda podríemos tener dellos vendavales que vendrien acompangaos d’un descensu de les temperatures con nieve mos puertos de la cordelera pero esto yá lu diremos viendo.
Que paséis un bon vienres collacies ya collacios.
This work is licensed under a Creative Commons Attribution 4.0 International License.
