La multa, de 600 euros, ye ridícula pal mal fechu, pero polo menos dexa costancia de la culpabilidá de les epreses maereres y de la mala praxis na so actuación, desaconseyando la concesión de permisos a les mesmes pa trabayos n’Asturies
La Confederación Hidrográfica del Cantábricu (CHC) vien de sancionar a la filial de Black Dragon Gold n’Asturies, Exploraciones Mineras del Cantábrico, S. L. (EMC) y Medioambiental Valledor, S.L. pol baltu illegal d’árboles autóctonos nos Llagos de Silva (Salave, Tapia)
Los fechos prebaos tres del esamen de la documentación apurría col espediente asina comu la valoración conxunta de les pruebes practicaes son “baltu d’arboles autóctonos na zona de les llagunes de Silva ensin cuntar cola preceptiva autorización administrativa d’esti organismu de cuenca-la CHC- en Salave, nel términu municipal de Tapia”.
La multa asciende a 600 euros, cantidá irrisoria tantu pa estes empreses comu pal dañu causáu, pero hai que tener en cuenta que la sanción cinca namás a la fastera de responsabilidá de CHC. “Si otres administraciones fexeren el so trabayu cola mesma dilixencia, acreditaríase igual el baltu illegal nel restu los Llagos y la sanción sedría muncho mayor”, resalten dende la Plataforma Oru Non, quienes denunciaren los fechos.
Esta ye la segunda sanción d’esta triba, tres d’una primera dictada va unos meses a la maerera Forestal Hosintra, S.L., ahora la CHC
Alberto Rodríguez
This work is licensed under a Creative Commons Attribution 4.0 International License.
