Bonos díes, bona xente.

Alborecemos ente nubes ya claros o abancios, sicasí la nubosidá ye más abondosa na fastera ocdidental y cordelera onde tienen dalguna precipitación de nieve perriba de los 1400m. con unes temperatures que tan alrdodiu de los 9ºC, rexistrándose nel puirtu Payares 0,9ºC.

Güe l’ambiente sedrá fríu, amás la sensación térmica baxará entovía más por mor del vientu gallegu que pue soplar molestu na costa y zones altes. Nel cielu tendremos intervalos nubosos con precipitaciones dende primera hora de la tarde na fastera central asturiana anque nun se van a estender hacia l’interior con unes temperatures en descensu ya cola cota de nieve que rondará los 1400m.

Mañana martes vamos seguir con intervalos nubosos dalguna precipitación pela costa y un llixeru ascensu de les temperatures durante la tarde anque malpenes lu vamos sentir, l’ambiente seguirá siendo fríu.

El miércoles seguiremos col cielu nuboso y precipitaciones febles ya intermitentes, asina y too templará, sobre too en zones d’alta montaña onde desaparecerá la nieve.

El xueves ya vienres con vientu gallegu y dalguna precipitación feble ya dispersa descenderán de nuevu les temperatures y paez que la fin de selmana l’aire ábrigu fadrá que templen bien les temperatures pero esto yá lu diremos viendo.

Que paséis un bon llunes collacies ya collacios.