La cantante de tonada ya tien un coriquín na Escuela Municipal de Música Tradicional Asturiana, n’Uviéu, pero amplia agora la so ufierta a otros dos conceyos
Un Coriquín Tradicional ye un conxuntu de persones que se reúnen para cantar repertoriu popular asturianu, alrodiu d’una sobremesa o mientres disfruten de una botellina sidre’n chigre. La propuesta d’Anabel, que ya da clases n’Uviéu, ye xuntase pa deprender esti repertoriu, practicalu y por supuestu, ponelu en práutica comu coriquín, recuperando esti prestosu vezu.
Les matrícules na so asignatura de mi asignatura de canción tradicional/tonada/coriquín na Escuela Municipal de Música Tradicional Asturiana batieron record esti cursu, con más de sesenta escolinos deseyando poner la so voz al serviciu de la música’l país. Foi precisamente esa alta demanda la qu’animó a Anabel Santiago a ampliar el so ámbitu de trabayu, creando dos nueves sedes pa les sos clases de Coriquín Tradicional, una oportunidá prestosa pa deprender el repertoriu tradicional y poner a puntu la voz con una de les estrelles más relevantes del firmamentu musical asturianu.
El proyeutu entá ta en fas d’organización, pero quienes tean interesaos pueden ponese’n contautu con ella al traviés de les sos redes sociales.
Susana Sela
This work is licensed under a Creative Commons Attribution 4.0 International License.
