El 17 de payares Xixón va acoyer Les II Xornaes de Prematuridá, nel que profesionales y families acomuñárán esperiencies sobro la que ye la primer causa de mortalidá en menores de cincu años, asociao al riesgu de carecer discapacidá.
Van tener llugar nel salón d’actos del Hospital Universitariu de Cabueñes n’horariu de 9:30 a 15h.
Ca añu nacen aprosimao 15 millones de neños prematuros, nel mundu. Con una bona atención y el sofitu d’un equipu multidisciplinar especializáu, gran parte d’estos neños y neñes lleguen, sicasí, a la edá adulta con total normalidá evitando o embriviendo les discapacidáes rellacionaes col aprendizaxe y problemes visuales y auditivos.
Poro, y coincidiendo col Día Mundial de la Prematuridá, la Unidá de Neonatoloxía del Hospital Universitariu de Cabueñes convocó pa esti vienres les II Xornaes de la Prematuridadd’Asturies y l’I Alcuentru coles Families sol lema “Pequenes acciones con un GRAN IMPACTU. Contactu piel con piel darréu pa tolos ñásciatos en tol mundu”el mesmu día de 16:00 a 19:30h nel Edificiu Impulsa del Parque Científicu y Tecnolóxicu..
La xornada articulase nuna serie de meses redondes nes que s’enceten les cuestiones dende la visión de los distintos profesionales qu’atienden esta problemática: pediatría, enfermería, fisioterapia-rehabilitación, sicoloxía, ostetricia…pa dar visibilidá al problema de la prematuridá y concenciar sobro les necesidaes y drechos de los ñásciatos prematuros y les sos families. L’alcuentru arriqueceráse con vivencies personales de mas y pas y con talleres prácticos empobinaos a les families.
El comité científicu escoyó ponentes que reflexen l’atención multidisciplinar propia de la UCIN procedentes de distintes árees sanitaries d’Asturies, inclusive veníos de fora, como Javier Flaire, enfermeru pediátricu del Hospital 12 d’Ochobre de Madrid, centru referente nacional en cuidos centraos nel desendolcu. La moderación van llevala a cabu, ente otros, pola Dra. Nuria Fernández, Xefa de Pediatría del Hospital de Cabueñes, y Andrea Cuesta, supervisora d’enfermería de Pediatría de HUCAB. El Dr. Rafael García Mozu, neonatólogo de HUCAB, va esponer la comparancia de l’atención de neños ingresaos na UCIN de HUCAB a lo llargo de los años colos estándares nacionales ya internacionales
L’I Alcuentru coles Families, va celebrar mientres la tarde, de 16:00 a 19:30h nel Edifico Impulsa del Parque Científicu y Tecnolóxicu. Nesti alcuentru Nerea Peregrina, enfermera de UCIN HUCAB va falar sobre la importancia de los cuidos centraos nel desenvolvimientu y la familia y va cuntar cola presencia de Marta Vigil Vázquez como madre de dos neños prematuros. va complementar con un taller teóricu-practicu de reanimación cardiopolmonar pa families al cargu de la Dra Cristina Molinos y residentes de pediatría y enfermería formaos en HUCAB.
Na Unidá de Neonatoloxía del hospital Universitariu de Cabueñes atiéndense una media añal de 15-18 neonatos nacíos anantes de la 32 selmana de xestación y con un pesu a la nacencia menor de 1.500 grs., más de la metá d’ellos pertenecen al grupu de prematuros estremos, nacíos antes de la 28 selmana de xestación y con un pesu inferior al kilogramu. Estos neños son los pacientes más complexos, con hospitalizaciones más enllargaes que precisen curiaos d’enfermería y atención médica especializada, según los medios tecnolóxicos más avanzaos pa poder dar una atención de calidá.
A estos neños sumen aquellos nacíos ente les 32 y les 37 selmanes de xestación (72 nos postreros 12 meses), que, magar son un grupu de ñácaros en principiu con un pronósticu escelente, tamién riquieren curiaos especializaos, cuidao que n’ocasiones presenten entueyos como los más pequenos. Na nuesa área, el númberu total de nacencies prematures baxó, debíu al descensu global de la natalidá sicasí’l porcentaxe de prematuros estremos caltiense estable
El Xixón Convention Bureau padrocina les II Xornaes del Prematuru y l’I Alcuentru coles Families dientro del so programa de sofitu a les xornaes de divulgación sanitaria na Área Sanitaria V.
Susana Sela
This work is licensed under a Creative Commons Attribution 4.0 International License.
