Bonos díes, bona xente.
Alborecemos col cielu poco nuboso en xeneral pero con nublines y borrinos na fastera central asturiana con unes temperatures que tan alrodiu de los 11ºC, rexistrándose nel puirtu Payares 4,2ºC.
Güei predominarán los grandes claros con aumentu de la nubosidá media-alta al atapercer. Les temperatures camudarán poco, calteniéndose un ambiente suave y afayaizu, amás l’aire sedrá sele ya variable con predominiu de la componente sur.
Mañana sábadu vamos tener nubosidá de tipu mediu-altu, temperatures suaves, tantu les mínimes como les másimes y ausencia de precipitaciones.
El domingu seguiremos col cielu empuercáu de nubosidá media-alta con aumentu de les nubes baxes al atapecer, amás aniciamos un descensu de les tempertures que tovía va ser llixeru, esperando yá de cara al martes-miércoles cuando sedrá bultable y vendrá acompangáu de precipitaciones y nevaes nos puertos más altos de la cordelera cola la entrada de vientu de componente norte que n’esti casu sedrá anticiclónicu polo que les nubes nun tendrán muncho desendolque, pero esto yá lu diremos viendo.
Que paséis un bon vienres collacies ya collacios.
Semeya que mos l’apurre’l Pastorín de Xove
This work is licensed under a Creative Commons Attribution 4.0 International License.
