30.000 persones manifestáronse güei en Bilbao revindicando la nación vasca nun manifestamientu que cuntó con un ampliu sofitu de representaciones internacionales, pente la que s’alcontraba l’asturiana, con presencia d’Andecha Astur. Amás, representantes del FPLP palestín, el Frente Polisariu, el KNK kurdu, Sinn Féin, ERC, CUP, BNG, Mes Per Menorca y Compromís. 

El manifestamientu, convocáu por EH Bildu baxo’l llema “Nazioa gara” col envís de reclamar el reconocimientu nacional del Pueblu Vascu, aconceyó a decenes de miles de persones, 30 000 según la organización. A la fin del mesmu hebio un intre especialmente emotivu, con tolos manifestantes canciando a coru el popular canciu “Txoriak txori”; darréu, el coordinador xeneral d’EH Bildu, Arnaldo Otegi llanzó el so discursu, recalcando que primero va’l país, lluéu, el partíu

“EH Bildu ye la fuercia política que curia y protexe Euskal Herria. Somos la fuercia política que organiza y defiende un proyectu pal conxuntu d’Euskal Herria (…) Tou ello llevomos a ser la primer fuercia política, nun ye posible pescanciar el presente y futuru d’Euskal Herria emsin EH Bildu” 

Destacó tamién que “Euskal Herria ye un país que tien memoria antifacista. Euskal Herria ye un pueblu que tien dignidá militante”, y refiriéndose a los pautos con Pedro Sanchez resaltó que “Esta semana en Madrid cumplimos el mandatu popular democráticu. Tamos tocando el nerviu del Réxime que se fundamenta en monarquía, impunidá, nación única e indivisible y privilegios pa la élite económica”.

Nesi sen declaró que l’estáu español va tener qu’abordar quiera que non l’alderique de la plurinacionalidá.  va a tener que abordar el debate de la plurinacionalidad.

Una delegación d’Andecha Astur tuvo presente nos actos en representación del pueblu asturianu, neto que los representantes d’otres munches nacionalidaes, comu amuesa de la solidaridá pente los pueblos primios.

Nel Dos Santos

This work is licensed under a Creative Commons Attribution 4.0 International License.