El Teodoro Cuesta de Poesía, convocáu pol Conceyu de Mieres, ye un de los galardones más prestixosos de la lliteratura asturiana y ta dotáu con 4.000 euros
Milio Ureta ye’l ganador del XXXII PremiuTeodoro Cuesta de Poesía, de Mieres. “L’ Acentu (de per embaxu)” ye’l títulu de la obra ganadora, que foi escoyía d’ente los 16 poemarios presentaos por mayoría de los votos del xuráu, compuestu por Xandru Fernández González, Gonzalo González Barreñada, Pablo Rodríguez Medina, Esther Prieto Alonso y Laura Marcos Domínguez .
Ureta tiene formación n’artes escéniques y ye graduau n’Humanidaes con una amplia obra. Ente les sos espublizaciones tan “Pexe les manes”, “Cantar de mi mesmu”, “Poemes del amor simétricu” y “Puentes que sabe el puente”, esta cabera escrita n’español, cola que ganó’l XI Premio Guillermo González .
El premiu Teodoro Cuesta foi recibíu na so hestoria por reconocidos autores asturianos, como Berta Piñán y Xuan Bello. Na anterior edición, recibió el galardón Gonzalo González Barreñada por “Cartes de treslluz”.
Alberto Rodríguez
This work is licensed under a Creative Commons Attribution 4.0 International License.
