La política de movilidá en Xixón destaca pola so indiferencia en materia medioambiental y de seguridá pa los colectivos vulnerables.

La Coordinadora Ecoloxista d’Asturies denuncia que “la conceyalía de tráficu,movilidá y tresporte públicu non yá deroga cualquier midida medioambiental que rebaxe la polución provocada pol tráficu nes cais de Xixón, si non qu’amás presume de querer rebaxar al mínimu les zones de baxes emisiones, compromete la seguridá de los menores nes redolaes escolares y agora tamién quier poner palos nes ruedes a la movilidá caltenible”. 

Amás de la mesma seguridá de los ciclistes y usuarios de la vía, la propuesta de desapaición “por borráu” de los carriles bicis supón arrenunciar a una movilidá más caltenible, lo qu’implica tamién arrenunciar a rebaxar el ruiu, la contaminación por partícules fines (PM10/2.5), compuestos volátiles de too tipu, asina comu otros gases procedentes de la combustión como’l NOX y l’Ozonu.

Ye por ello que piden al conceyu que tome en serio toles alvertencies de la comunidá científica, mélica y educativa pa que se rebaxe la contaminación nes redolaes urbanes, siendo Xixón amás, una ciudá bien contaminada ya pol so gran actividá industrial y el tráficu de graneles.

This work is licensed under a Creative Commons Attribution 4.0 International License.