Esta propuesta pretende llograr dar presencia al idioma nun espaciu usáu mayoritariamente pola parte más moza de la sociedá

Iniciativa pol Asturianu ta acabante de contactar con BlueSky pa proponer la presencia de la llingua asturiana nel portal de la plataforma. Bluesky ye una rede social de microblogging o de mensaxes curtios. Anguañu, yá s’alcuentra disponible en munchos idiomes d’estremaos territorios, ente ellos l’aragonés, pero nun inclúi l’asturianu entá. De fecho, a la hora de faer una publicación, l’aplicación permite seleccionar qué idioma s’utiliza, p’ayudar a categorizar los diferentes testos espublizaos na páxina. Varios usuarios de la rede social ficieron llegar a la organización esta reivindicación pa llograr la visibilización del idioma.

Poro, Iniciativa pol Asturianu vien de contactar cola plataforma pa proponer la creación d’una versión n’asturianu del portal y la creación de la categoría pa que los usuarios del nuevu portal qu’usen la llingua asturiana nes sos publicaciones puedan categoralizalos. Esta iniciativa permitiría llograr la visibilización del idioma nesta nueva rede social y permitiría siguir normalizando la nuesa llingua.

Alberto Rodríguez

This work is licensed under a Creative Commons Attribution 4.0 International License.