Les empreses tán llogrando un porcentaxe de beneficios un 53% superior qu’anantes de la pandemia mientres nel mesmu periodu los trabayadores perdieron un 7,8% de capacidá adquisitiva
Nel V AENC recuéyense xubíes salariales del 3% pa 2024 y del 3% pa 2025, con una clausa de revisión salarial d’hasta’l 1% añal en casu de que la inflación supere les xubíes anteriores.
Pal 2023 la xubida salarial apautada yera del 4%; sicasí, ente xineru y payares 96 convenios de los que s’axusten n’Asturies, qu’algamen a unos 143.184 trabayadores, rexistraren revisiones salariales, recoyendo una xubida salarial media del 3,11%, perbaxo a inflación rexistrao: 3,4% n’Asturies de media no que va d’añu.
Esto implica una perda de poder adquisitivu (mayor entá pa quien tuvieron suxetos a un espediente de regulación d’empléu temporal, perdieron el so empléu o se vieren afectaos por descuelgues de conveniu), que se suma a la rexistrada en 2021 (con una xubida media del 1,34% y l’inflación del 3,1%) y 2022 (3,12% y 8,4%, respectivamente). Son per tantu trés años encadenando perda de capacidá adquisitiva, un total de -7.38%, un coste que recae esclusivamente nos trabayaores.
This work is licensed under a Creative Commons Attribution 4.0 International License.
