Les trabayaores de les Residencies públiques d’ancianos d’Asturies denuncien agresiones físiques y verbales por parte de les empreses socontrataes pa prestar el serviciu, falta de personal ya incumplimientu de los alcuerdos algamaos
Ante la desatención de l’alministración pública, que se desentiende de la situación de les trabayaores y de la calidá del serviciu, les curiaores convoquen una fuelga nel día de güei con concentración a les cincu la tardi na Plaza’l Carmen, en Xixón “Si l’alministración nun nos cuida a les que curiamos, tenemos que lluchar y esixir dignidá pa nosotres y les persones usuaries”.
La regresión de les privatizaciones ye la primer de les vindicaciones, ya que la perda de calter públicu implicó una priorización del beneficiu perriba de la prestación del serviciu, llevando a una fuerte perda de calidá asistencial y un aumentu de la precariedá llaboral, que’n dellos casos inclui insultos y vexaciones per parte de les empreses a les emplegaes.
Reclamen personal abondo en tolos turnos y de toles categoríes, que se cubran les baxes y que se cumplan los alcuerdos algamaos, incluyíu’l pagu del plus de peligrosidá previstu nel conveniu.
Alberto Rodríguez
This work is licensed under a Creative Commons Attribution 4.0 International License.
