El controvertíu métodu pa escoyer qué pallabres añadir al Diccionariu de la llingua asturiana ye un concursu de popularidá on line

Xentrificación, Llimpieza étnica, Cámbeu climáticu, Xeollocalización, Intelixencia artificial. Los idiomes medren, avancen adáutense a los tiempos y apaecen nueves pallabres pa nuevos conceptos. Les academies de les llingües tan ehí -pente otres coses- pa estremar vulgarismos y estranxerismos de les vraeres nueves aportaciones ya incorporar los neoloxismos a los respeutivos diccionarios. Fasta ehí tou bien.

Lo que xenera alderique nesti casu ye’l peculiar métodu escoyíu pola Academia la Llingua Asturiana, ermu de cualisquier criteriu llingüísticu y que somete a votación popular la escoyeta del “Neoloxismu 2023”; una votación, amás, sesgada pol mediu escoyíu: quien nun utilice interné, y más en concreto redes sociales, queda escluyiu de la so participación na evolución llingüística.

Les pallabres “ufiertaes” son toes elles utilizaes ya con normalidá y necesaries pa definir conceptos que tan al orde del díi, pero habrá qu’escoyer una, refugando’l restu, dexando coxes al restu al nun les dotar de reconocimientu oficial, lo que priva a la llingua asturiana del so necesariu desendolcu y actualización.

Nel Dos Santos

This work is licensed under a Creative Commons Attribution 4.0 International License.