Ante l’aprietada axenda llaboral navidiega, l’Anguleru y l’Angulera trabayen n’equipu, nun perbón exemplu de collaboración ya igualdá de xéneru. Les prósimes cites son en Xixón pa l’Angulera, esti vienres, ya en Ribeseya pa l’Anguleru, el xueves.
Dientro los “regalaores” navidiegos rescampla’l fechu de que dengún da protagonismu nin espaciu a les muyeres, calteniéndoles siempres al marxe o como muncho dándo-yos un espaciu secundariu, comu ye’l casu de les Princeses Magues, relegaes a cuentacuentos ocasionales y que nidiamente nun tienen la mesma sonadía que los sos hermanos y pas. De Mama Noel sabemos escasamente que pasa l’añu nel Polu, presumiblemente dedicada a les xeres del llar.
L’Anguleru estrémase d’esta llinia sesista y comparte espaciu cola so pareya, l’Angulera, que tará na tardi d’esti vienres 22 de cincu a siete la tardi repartiendo la so maxa cola reciella asturiana, na sede de la Rede de la Clas Trabayadora, allugá na Cai Andalucia 33. L’Angulera ye tamién pescadora y pasa l’añu trabayando nel Mar de los Sargazos.
Nel Dos Santos
This work is licensed under a Creative Commons Attribution 4.0 International License.
