L’actu tuvo llugar na Antigua Escuela Comerciu de Xixón a les 19:30 hores y nella féxose entrega d’un exemplar a caún de los llagares cuyes muyeres foren entrevistaes. La so presencia añadió especial interés a la presentación de “Muyeres del llagar”
Tal comu desplicaron na presentación, yera imposible subir a la mesa a toles protagonistes del llibru, non solo poles decenes d’entrevistaes, sinón porque na ellaboración d’esti llibru participaron cuatro periodistes y los meyores fotógrafos dedicaos al mundiu de la sidre n’Asturies. En representación d’ellos y elles, intervinieron nel actu Carme Pérez, como editora, Susana Sela, en representación de les escritores, Flavio Lorenzo, un de losfotógrafos y Roberto Gzález-Quevedo y David M.Rivas, en calidá d’etnógrafos y espertos nel mundiu sidreru.
Nes intervenciones destacaron l’importante llabor y presencia de les muyeres nos llagares d’Asturies, tanto a lo llargo la hestoria comu anguañu, y como esti papel pasaba davezu desapercibíu, mientres que les nueves xeneraciones de llagareres van faciéndose sitiu con nome propiu.
El llibru tien un preciu de 35 € y por agora pue mercase na oficina d’Espublizastur, na Cai Decanu Prendes Pando 11 de Xixón, (T. 652 594 983), online en Sidra Shop y en TiendaAstur, tando previsto la so prósima distribuición peles principales llibreríes asturianes.
Pa la so espublización la editorial Espublizastur cuntó col sofitu de la Viceconseyería de Cultura, Política Llingüística y Deporte del Principáu d’Asturies pal espardimientu, estudiu y fomentu del valor del patrimoniu cultural asturianu; y pa la promoción del llibru n’asturianu; lo mesmo que de la FMCEYUP del Ayuntamientu Xixón, pa la promoción d’empreses editoriales.
This work is licensed under a Creative Commons Attribution 4.0 International License.
