Con esti comunicáu quieren tresmitir el sofitu del pueblu asturianu al palestín ante la situación que tan careciendo
Los representantes de la Clas Trabayadora ya’l movimientu obreru asturianu finaron l’añu faciendo públicu’l so posicionamientu ante los crímenes de guerra, la llimpieza étnica ya’l xenocidiu que l’estáu d’Israel ta cometiendo cola aquiescencia de bona parte de la comunidá internacional y la práutica totalidá de los nuesos representantes políticos.
Nelli amuesen la so refuga a los crímenes contra la población palestina y la ocupación de los sos territorios, desixendo un altu a l fuéu y la retirada de los israelies de la Franxa de Gaza y de Cisjordania respetando les llendes marcaes pola ONU nel 1947 palestinos.
A los nuesos representantes políticos desíxen-yos tamién qu’anicien los trámites pal reconocimientu oficial del Estáu Palestín.
Finen el comunicáu dexando nidiu el so sofitu al drechu a defendese del pueblu palestín frente a la ocupación ya’l xenocidiu y piden a la sociedá asturiana qu’amuese activamente la so refuga a la xabaz actuación d’Israel y n’apoyu del pueblu palestín.
Roblen el comunicáu los sindicatos que vienen darréu: CCOO, CGT, INAST, RCT Y UGT.
Alberto Rodríguez
This work is licensed under a Creative Commons Attribution 4.0 International License.
