Los convocantes de la concentración que tuvo llugar ayeri en Xixón denuncien un tratu de favor a la Clínica Quirón na xestión d’urxencia del Plan Xeneral d’Ordenación Urbana, PXOU
Ayeri llunes 8 de xineru de 2024, delles asociaciones: Asociación Asturiana pal Fomentu de la Economía Social y Solidario, AVAL, AMA, FAV, APG, Corriente Sindical d’Izquierdes,Ecoloxistes n’Acción, asina
como ciudadanos particulares, rexistraron na Casa Conceyu de Xixón los allegamientos empobinaos al Serviciu d’Evaluaciones Ambientales de la Conseyería de Transición Ecolóxica, Industria y Desendolcu Económicu, fecha al anunciu públicu del Conceyu de Xixón d’un cambéu puntual nel PXOU pa la calificación de parceles comu dotacional privao y zona verdi que beneficia’l proyectu de Quirón.
Nesti documentu concúlquense, a entender de los denunciantes, dellos artículos del ROTU y del TROTUA.
Per una parte, nun esiste un estudiu del tratamientu de les borrafes (de gran importancia, yá que tamos falando de la costrucción d’un centru hospitalariu). Tampoco esiste un analís de la conectividad territorial nin de la funcionalidad territorial y de los ecosistemes.
Entienden poro que l’Alministración nun ta dando a Quirón un tratu igualitariu y que se ta priorizando l’interés priváu sobro’l públicu “El tratamientu de calter d’urxencia nun tien xustificación, máxime si se trata d’un interés priváu como’l casu de Quirón. N’otros pequenos negocios, los ciudadanos esperamos meses pola tramitación de cualquier espediente”.
D’últimes, denuncien que se ta dando un tratu de favor p’abrir un hospital priváu, afondando nel procesu de privatización de la sanidá pública asturiana nel que’l gobiernu de Barbón lleva años avanzando.
Nel Dos Santos
This work is licensed under a Creative Commons Attribution 4.0 International License.
