Cientos de persones, con pancartes y banderes palestines, aconceyaron ayeri otra vegada na Plaza El Llano, delantre del Centru Comercial Los Fresnos de Xixón pa señalar a los supermercaos Carrefour por lucrase económicamente de la ocupación de tierres y l’esterminiu del pueblu palestín.

Namás col sofitu internacional y la collaboración económica d’empreses comu Coca-Cola, McDonald’s, Hewlett-Packard y Motorola, que se señalaron como partidaries d’Israel, ye posible que continúe la masacre en Palestina. Con estes aiciones trátase d’informar a los consumidores del usu que Carrefour, en particular, y toles empreses pro israelines en xeneral, faen de les perres que ganen coles sos compres, col enfotu de que dexen de mercar nesos establecimientos, forciando un reposicionamientu de la cadena de supermercaos. 

This work is licensed under a Creative Commons Attribution 4.0 International License.