Los asistentes aplaudieron con enfotu cuando una de les intervinientes reclamó’l drechu d’autodefensa del pueblu palestín
Les primeres pancartes esperaben ya na plaza’l Náuticu, onde finó’l manifestamientu, entantu les caberes desfilaben entá pela Plaza’l Carmen glayando aquello de “dende’l riu fasta la mar, Palestina vencerá”, lo que dexa’n ridículu les cifres apurries pola policía a los medios de comunicación (1.500 participantes, según les fuercies de seguridá).
En realidá, foron más de diez los miles de persones que salieron -otra vuelta- a la cai a reclamar el fin del xenocidiu ya’l cese de les relaciones comerciales del estáu español con Israel, con quien España vien de roblar un contratu de compra de material bélicu de cerca’l billón (con b) d’euros.
A la fin del percorríu, na Plaza’l Náuticu, lleéronse dellos comunicaos nos que se denunció la masacre y se dieron datos vraeramente respigantes: 24.000 muertos, 10.000 neños, 9.000 muyeres y 2.000 mélicos. Nes intervenciones recordóse tamién qu’esto nun ye un conflictu nuevu y que la comunidá internacional lleva ya endemasiaos años mirando pa otru llau “Esto ya entamó hai 75 años, non va tres meses, comu dicen” hace 75 años, no hace tres meses como nos dicen”.
Especialmente emotiva foi la intervención de delles muyeres d’orixe árabe que, tres reclamar el drechu d’autodefensa del pueblu palestín, lleeron en comuña un poema del poeta Mahmoud Darwish “Pasaxeros pente pallabres fugaces”:
Carga-y colos vuesos nomes y colai, Quitái vueses
hores del nuesu tiempu y colai, Tomái lo que queráis
del azul del mar
Y del sable de l’alcordanza. Tomái toles
semeyes que queráis pa saber
Lo que nunca nun vais saber:
Cómo les piedres de la nuesa tierra constrúin
el techu del cielu.
Pasaxeros ente pallabres fugaces:
Vós tenéis espaes, nós sangre,
Vós tenéis aceru y fueu, nós carne,
Vós tenéis otru tanque, nós piedres,
Vós tenéis gases lacrimógenos, nós agua,
Pero’l cielu y l’aire
Son los mesmos pa toos.
Tomái una porción de la nuesa sangre y coláivos,
Entrái a la fiesta,
cenái y baillái…
Depués colái
Pa que nós curiemos les roses de los mártires
Y vivamos como queramos.
Pasaxeros ente pallabres fugaces:
Como polvu amargoso, pasái por onde queráis, pero Nun
paséis ente nós cual insectos voladores
Porque recoyimos la collecha de la nuesa tierra.
Tenemos trigu que semamos y regamos cola rosada de los nuesos cuerpos
Y tenemos, equí, lo que nun vos gusta:
Piedres y pudor.
Llevái’l pasáu, si queréis, al mercáu d’antigüedaes
Y devolvéi la cadarma a la abubilla
Nun platu de porzolana.
Tenemos lo que nun vos gusta: el futuru Y
lo que semamos na nuesa tierra.
Pasaxeros ente pallabres fugaces:
Atropái les vueses fantasíes nuna fuesa abandonada y colái,
Devolvéi les manines del tiempu a la llei del xatu d’oru
O al horariu musical del revólver
Porque equí tenemos lo que nun vos gusta.
Y tenemos lo que nun vos pertenez:
Una patria y un pueblu sangrándose,
Un país útil pal escaezu y pa l’alcordanza.
Pasaxeros ente pallabres fugaces:
Ye hora de que coléis.
Asitiáivos onde queráis, pero non ente nós.
Ye hora de que coléis
A morrer onde queráis, pero non ente nós
Porque tenemos trabayu na nuesa tierra
Y equí tenemos el pasáu,
La voz inicial de la vida,
Y tenemos el presente y el futuru,
Equí tenemos esta vida y l’otra.
Colái de la nuesa tierra,
Del nuesu suelu, del nuesu mar,
Del nuesu trigu, del nuesu sal, de les nueses feríes,
De too… colái
De les alcordances de la memoria,
Pasaxeros ente pallabres fugaces.
Nel Dos Santos
This work is licensed under a Creative Commons Attribution 4.0 International License.
