El Catedráticu de Zooloxía de la Universidá d’Uviéu, Jesús Ortea, afayó cuasi un millar d’especies de moluscos mientres les postreres cuatro décades, poniendo a 27 d’ellos nome de conceyos asturianos
¿Qué meyor nome que Quini para un cascoxu roxiblancu? ¿Por qué nun llamar a un moluscu Margarita Salas? ¿Sabíes qu’esiste una babakina -tipu de llimiagu- de collores, que lleva’l nome de Rioselleolis Anadoni?. Tapia, Siero, Llangréu, Avilés y Castropol tienen tamién el so correspondiente moluscu, hasta un total de 27 cascoxos, baboses y bivalvos que lleven nome de conceyu asturianu. Entá-y queden munchos por afayar, yá que espera tener un per ca conceyu.
Nacíu en Noreña en 1951, el catedráticu de Zooloxía xubiláu de la Universidá d’Uviéu ye una eminencia y tien más de 500 artículos espublizaos sobro la tema nos más de cuarenta años que lleva dedicaos a afayar especies, llevando cuasi’l millar.
Alberto Rodríguez
This work is licensed under a Creative Commons Attribution 4.0 International License.
